بعيداًً عن السياسة … قريباً من المجتمع

يعني اللي بمشي بشوارع الاردن بحس أنه 90% من الشعب بدخن ، في دخان بكل مكان يمين و شمال ، فوق و تحت ، برغم كل التحذيرات ، حتى في الجامعات ، على سبيل المثال زرت الجامعة الاردنية من أكثر من 3 سنين و كان الدخان بنباع داخل الجامعة عادي و لا كأنه الطالب مسؤلية الجامعة ، الأفظع من هيك الدكاترة بكلية الطب بعد ما يعطي محاضرة عن مضار التدخين ، بولع سيجارة و هو طالع من القاعة!!!
يعني بصراحة اذا بدكم مصاري عليكم بفرض غرامة على التدخين في الجامعة ، المطاعم و المولات ، و أغلب الأماكن العامة ، أنا متأكد انه الموازنة العامة للحكومة راح تتحسن و مش بعيد أنه انه ضريبة المبيعات تنزل من 16% إلى 10% (ان شاء الله)
بعيد شوي عن المصاري ، تذكرت اني قريت في جريدة الغد دراسة  اجرتها جامعة العلوم و التكنولوجيا عن قرية بنفق أهلها 70 ألف دينار على الدخان (تخيل) بعدين بصراحة منظر الدخان بإيد البنات (من 5 – 16 سنة) بشارع الوكالات صار بقزز (إلا هذول و ين أهاليهم عنهم)!!!